លក្ខណៈរុក្ខជាតិ: ជាប្រភេទឈើមធ្យមដែលមានកំពស់ពី១០ទៅ២០ម៉ែត្រ ។
ស្លឹក : ដុះឆ្លាស់ទង រាងពងក្រពើរាវគល់ក្រាស់ ស្វិត មានធ្មេញរណាប្រវែងបណ្តោយពី១២ទៅ២០សង់ទីម៉ែត្រ និងទទឹងពី៦ទៅ១២សង់ទីម៉ែត្រ ។
ផ្កា : ផ្កាអត់មានទង ត្របកផ្កាមានពណ៏បៃតងតិចៗ លាយពណ៏ផ្កាឈូកតិចៗ កេសរវែងៗជាច្រើនសរសៃ គល់កេសរមានពណ៏ក្រហមតិចៗ ។
ផ្លែ : មូលមានរោមតិចៗ គ្រាប់តិចទំហំប៉ុនគ្រាប់សណ្តែកបាយ ។
កន្លែងដាំដុះ : ជួបប្រទះឃើញនៅតាមតំបន់ខ្ពង់រាប ។
ផ្នែកប្រើប្រាស់ : ស្លឹក សំបកដើម ផ្កា គ្រាប់ ផ្លែ ។ ចំពោះ ស្លឹកនិងសំបកដើម ប្រមូលផលបានគ្រប់រដូវ ។
រសជាតិ : ល្វីងចត់ ។
ការព្យាបាល :
+ ស្លឹក ៖ ផ្សះដំបៅ ផ្សះរបួស ។
+ សំបកដើម ៖ ព្យាបាលពស់ចឹក ផ្សះដំបៅ ថ្លោះគ្រេច រសេះរសោះ ធ្លាក់ស ផ្សះទូទៅ ស្ងោរត្រាំពិស ។
+ ផ្កា ៖ ជាថ្នាំកំលាំងសំរាប់ស្ត្រីឆ្លងទន្លេ ហើយព្យាបាល ផ្តាសយ ក្អក ។
+ គ្រាប់ ៖ ព្យាបាលពិស ។
+ ផ្លែ ៖ ជួយរំលាយអាហារ ។
កម្រិតនិងរបៀបប្រើ : ប្រើពី៩ទៅ១២ក្រាម ក្នុងមួយថ្ងៃ ដាំផឹក ប្រើខាងក្រៅតាមចំនួនសមរម្យ ។
ឯកសារយោង៖ ដកស្រង់ចេញពីសៀវភៅរុក្ខជាតិឪសថនៅកម្ពុជា របស់ក្រសួងសុខាភិបាលនៃមជ្ឈមណ្ឌលជាតិស្រាវជ្រាវវេជ្ជបូរាណ។
ប្រភពនៃចំណេះដឹងសុខភាពរបស់អ្នក
ព័ត៌មាននៅលើគេហទំព័រនេះ គឺសម្រាប់ជាចំណេះដឹងទូទៅប៉ុណ្ណោះ ហើយមិនមែនជាដំបូន្មានវេជ្ជសាស្ត្រផ្ទាល់ខ្លួនឡើយ។ សូមពិគ្រោះជាមួយគ្រូពេទ្យជំនាញសម្រាប់ការព្យាបាលជាក់លាក់។
© រក្សាសិទ្ធិគ្រប់យ៉ាង ២០២៦ www.klengsokhapheap.com
ប្រសិនបើមានបញ្ហាទាក់ទងនឹងកម្មសិទ្ធិបញ្ញា ឬសំណូមពរផ្សេងៗ សូមទាក់ទងមកក្រុមការងារតាមរយៈលីងតេលេក្រាម៖ https://t.me/makara2018 ។
យើងខ្ញុំរក្សាសិទ្ធិក្នុងការធ្វើបច្ចុប្បន្នភាព ឬផ្លាស់ប្តូរគោលការណ៍ណែនាំនេះនៅពេលណាក៏បាន។ រាល់ការផ្លាស់ប្តូរនឹងមានប្រសិទ្ធភាពភ្លាមៗបន្ទាប់ពីការផ្សព្វផ្សាយនៅលើគេហទំព័រ។
