លក្ខណៈរុក្ខជាតិ: ជាចុល្លព្រឹក្សដែលមានមែកខ្ចីរាងបួនជ្រុង ។
ស្លឹក : ស្លឹករួមម្រាមដុះទល់ទងមានកូនស្លឹកពី៣ទៅ៥ កូនស្លឹកនីមួយៗរាងដូចផ្លែលំពែង រលោងខាងលើ មានរោមខ្លីៗនៅខាងក្រោម ។
ផ្កា : កញ្ចុំផ្កាចេញនៅចុងមែក ផ្កាតូចៗពណ៏ស្ទើរខៀវលាយស្វាយមានរោមតិចៗ នៅខាងក្រៅខាងក្នុងរោមវែងជាង ។
ផ្លែ : ផ្លែមានសាច់ពណ៏ខ្មៅពេលទុំ ។
កន្លែងដាំដុះ : ដុះដោយខ្លួនឯង ឬគេដាំជាលំអតាមផ្ទះ និងបន្តពូជដោយគ្រាប់ឬកាច់មែកដាំ ។
ផ្នែកប្រើប្រាស់ : ស្លឹក ឬស ផ្លែ ។
ការព្យាបាល : ជួយរំលាយអាហារ រាក រាកមួល រដូវមិនទៀង រលាកតំរងនោមមនុស្សប្រុស រមួលសាច់ដុំ រលាកបំពង់ក ហឺត រលាកទងសួត ផ្សះបូស ឈឺក្បាល ស្លឹកដាំផឹកបំបាត់ឈឺស្បូនក្រោយឆ្លងទន្លេ គ្រុនចាញ់ រំលាយស្លេស្ម៏ ពស់ចឹក ឈឺសន្លាក់ឆ្អឹង ឈឺធ្មេញ ។
កម្រិតនិងរបៀបប្រើ :
-ម្សភផ្លែស្ងួតលាយទឹកឃ្មុំក្នុងកំរិត ៥ដល់១០ក្រាម ព្យាបាលរាក ចំពោះរដូវមិនទៀង រលាកតំរងនោម និងជួយរំលាយអាហារប្រើដូចកំរិតខាងលើ តែលាយជាមួយអំបិល កំឡោចអោយម៉ត់ ផឹកជាមួយទឹកក្តៅឧណ្ណៗ ។
-ស្លឹកប្រើជាគ្រឿងការី ម្សៅឬសត្រាំជាមួយស្រាប្រើលាបខាងក្រៅកន្លែងសាច់ដុំរមួល ស្លឹកព្យាបាលរលាក បំពងក រលាកទងសួត ហឺត ប្រើខាងក្រៅព្យាបាលរោគផ្សិត ។
ឯកសារយោង៖ ដកស្រង់ចេញពីសៀវភៅរុក្ខជាតិឪសថនៅកម្ពុជា របស់ក្រសួងសុខាភិបាលនៃមជ្ឈមណ្ឌលជាតិស្រាវជ្រាវវេជ្ជបូរាណ។
ប្រភពនៃចំណេះដឹងសុខភាពរបស់អ្នក
ព័ត៌មាននៅលើគេហទំព័រនេះ គឺសម្រាប់ជាចំណេះដឹងទូទៅប៉ុណ្ណោះ ហើយមិនមែនជាដំបូន្មានវេជ្ជសាស្ត្រផ្ទាល់ខ្លួនឡើយ។ សូមពិគ្រោះជាមួយគ្រូពេទ្យជំនាញសម្រាប់ការព្យាបាលជាក់លាក់។
© រក្សាសិទ្ធិគ្រប់យ៉ាង ២០២៦ www.klengsokhapheap.com
ប្រសិនបើមានបញ្ហាទាក់ទងនឹងកម្មសិទ្ធិបញ្ញា ឬសំណូមពរផ្សេងៗ សូមទាក់ទងមកក្រុមការងារតាមរយៈលីងតេលេក្រាម៖ https://t.me/makara2018 ។
យើងខ្ញុំរក្សាសិទ្ធិក្នុងការធ្វើបច្ចុប្បន្នភាព ឬផ្លាស់ប្តូរគោលការណ៍ណែនាំនេះនៅពេលណាក៏បាន។ រាល់ការផ្លាស់ប្តូរនឹងមានប្រសិទ្ធភាពភ្លាមៗបន្ទាប់ពីការផ្សព្វផ្សាយនៅលើគេហទំព័រ។
